Urteroko legez aurten ere eratu da ikasle ordezkarien BEHATOKIA.

 

Helburuak:

-Eskolako elkarbizitza positiboa zaintzea. Errespetuan oinarritua, naturalak diren gatazkak kudeatzeko bitartekoak jarriz eta ahal den neurrian sor daitezkeen   arazoi  aurre hartuz.

-Ingurunearen zaintzan eta errespetuan ahalik eta gehien eragiteko  eskolako hobetu beharrak  identifikatzea eta hauetan esku hartzeko  ekintzak proposatzea.

Funtzionamendua:

-Batzordetik proposatzen diren eskuhartzeak geletara bideratuz.

-Geletatik datozen proposamenak batzordean aztertuz.

Komunitatearekin elkarlanean:

-Udaleko Hezkuntza eta Berdintasun batzordearekin elkar lanean.

-Laiako   Ingurumen teknikarien aholkularitzarekin aurten ere “Energia” modu arduratsuan nola gutxiago kontsumitu landuko dugu.

-Udal Audientziaren bitartez udal agintariekin konpromezuak eta proposamenak elkar jarriko ditugu.

ORDEZKARIAK:

Laia, Aiora, Ane, Karla, Ainhoa, Izane, Maren, Aratz, Xuhar, Unai, Alaine, Ibai, Ekai, Naroa, Beatriz, Adei, Nora, Patxi, Albert eta Aimar.

KOORDINATZAILEAK:

Belen, Nekane, Josune eta Aloña.

 

 

Aurreko astean onartu zen hurrengo ikasturterako egutegia Eskola Kontseiluan.

 

Ikasleek iraileko hamaiketako osasuntsua gustuko izan zutela eta, errepikatu egin dugu gaur ere. BEGIRA, BEGIRA!! 

 

Zergatik maite duzu emakume hori? 

 

Aspaldiko partez, iñauteri festan herrian zehar mozorrotuta ibili ginen txaranga musikaz alaiturik. 

Ondoren futbitoan Guraso Elkarteak txokolate beroa prestatu zigun!! 

GORA IÑAUTERIAK!!! 

 

2021ean jaiotako haurrak matrikulatzeko epea otsailaren 13tik (astelehena) otsailaren 24ra (ostirala) zabalik egongo da. 

Datozen egunetan etxeetan jasoko duzue matrikulatzeko beharrezkoak dituzuen dokumentazioarekin kartazal bat.

Dokumentazio hori bete eta eskolara ekarri behar diguzue. Horretarako IDAZKARITZAN HITZORDUA hartu behar duzue 943 899 149 telefonora deituz. (Haritz)

 

 

 

Haur Hezkuntzakoen eskutik Danborradaz gozatzeko aukera izan dugu aurtengoan ere. BEGIRA! BEGIRA!

 

 

Aurtengoan ere ez ziren gurekin ahaztu Olentzero eta Mari Domingi!! Napo astoa belardian utzi eta eskolako guraso diren Abel (trikitia), Lierni (panderoa) eta Igor (gitarra) lagun zituztela iritsi ziren gurera. Beti bezala zakua pasintxiz beteta zutelarik azaldu ziren gure ikasleen gutunak jasotzera. 

BEGIRA, BEGIRA!!!! 

 

Aurreko ostiralean, indarkeria matxistaren aurkako egunean, gaiari buruz hitz egin eta orohar indarkeria guztien aurkako kontzientzia lantzeko ekintzak burutu genituen. 

Aurtengoan zuhaitz baten irudian indarekeriaren aurkako mezuak itsatsi ditugu. 

Gaur hasi da 3. Euskaraldia, euskararen aldeko ariketa erraldoia. 

 

Urriaren 24ean Klima Aldaketaren Aurkako Nazioarteko Eguna ospatu zela eta, gure Lurraren jasangarritasunari modu egokian eusteko kontzientziazioa lantzea inoiz baino beharrezkoagoa den garai hauetan, ikasleekin horrekin lotuta hainbat jarduera burutu genituen.  

 

Iaz Korrika ospatzerik ez genuela izan eta, aurtengorako ikeragarrizko gogoarekin geunden denok!! 

BEGIRA, BEGIRA!!! 

 

Urtero bezala, gaur BERDINTASUNEAN 1 eguna ospatu dugu, pertsonok ditugun gaitasun anitzen inguruan kontziente egiteko eta sentsibilizatzeko eguna.

Goizean ARANSGIko 4 partaide etorri dira ikasleekin gorrek beraien egunerokotasunean izaten dituzten zailtasun eta traben inguruan lanketa egiteko. 

Arratsalsean LIP DUB-a grabatu dugu gizartean pertsona guztientzat aukera berdintasuna aldarrikatuz. 

 

6. mailako ikasleek Aita Mariko kapitainarekin eta "Itsas Salbamendu Humanitarioa" GKE-ko erizainarekin mantendutako elkarrizketatik, erreskatatuentzat bilketa bat egiteko konpromezua atera zen. 

Aste honetan egin dugu bilketa eta oso arrakastatsua izan da. ESKERRIK ASKO parte hartu duzuen guztioi! Ikasle, irakasle eta guraso bakoitzak egin dugun ekarpenak egoera zaurgarrienetan dauden horiei esku bat botatzeko balioko du. 

Atzo, martxoak 8, egunerokoan emakumeen eskubideak aldarrikatzeaz eta gauzatzeaz kontziente izateko lanak egin genituen eskolan.

Grafitian marraztu behar genuen emakumearen irudia aukeratzeko, ikasleen proposamenak entzun eta beraien arteko bozketa baten ondorioz, ANE MINTEGI izan zen aukeratua (herriko tenislari gaztea eta eskolako ikasle ohia).

Ohore bat da guretzako emakumeen eskubideak aldarrikatzeko sinbolo gisa Aneren irudia edukitzea eskolako horman. 

 

Aukera ezberdinak aztertu genituen arren, azkenean aurten ere, herrian zehar egin ohi dugun mozorro desfilea ez egitea erabaki genuen. Oraindik ere gaixotasuna gure artean baitabil. 

Ea hurrengo urtean ihauteriak behingoz normaltasunez ospatzeko aukera izaten dugun. 

 

 

2017an, Mediterraneo Erdialdeko etorkinen egoera tragikoa ikusita, erankunde eta boluntario askori esker AITA MARI proiektua martxan jarri zuen ITSAS SALBAMENDU HUMANITARIOA Gobernuz Kanpoko Erankundeak. Hegaluzeak harrapatzeko erabiltzen zen itsasontzi bat Mediterraneoko uretatik pertsonak erreskatatzeko zaharberritu zuten 

Aurreko astean, 6. mailako gure ikasleek (bideo-dei bidez), Gobernuz Kanpoko Erankunde horretako kide batekin eta Aita Mari Itsasontziko Kapitainarekin egoteko aukera izan zuten Lanpedusa ingurutik zuzen-zuzenean konektatuta. Erakundearen helburuei, erreskateen gorabeherei, etorkinen egoerei... buruz hitz egin zuten, itsasontzia ezagutzeko aukera ere izan zuten. 

ITSAS SALBAMENDU HUMANITARIOA izeneko Gobernuz Kanpoko Erakundeak kolaborazio bat egiteko aukera eman digu eskola komunitateko partaideoi. Baina honen berri aurrerago emango dizuegu. 

 

 

 

 

Azkenaldian eskolan izan ditugun Covid kasuen kudeaketak sortzen digun ziurgabetasuna eta lan-karga salatzeko; gaur, abenduak 22 asteazkena 13:00an, Herri Eskolako irakasleak Idiazabalgo anbulategiko mediku eta erizainekin elkartu gara.

 

Hasiera batean Euskara Eguneko emanaldia kiroldegian neurriak zainduz denok batera egiteko asmoa bagenuen ere, birusa eskolan azaldu zaigula eta, badaezpda bakoitzak bere gelan dantza egin beharrean izan gara. Hala eta guztiz ere, egoerarik xelebreenetan ere umorea aurretik jarri eta beti bezala ederto pasa dugu!!! 

Ea 2022. urteko Euskara Eguna "normal" ospatzeko aukera izaten dugun...

 

"Emakumeenganako indarkeriaren aurkako egunean" gaiari buruz hitz egin eta orohar indarkeria guztien aurkako kontzientzia lantzeko ekintzak burutzen ditugu. 

Aurtengoan Haur Hezkuntzako ikasleek apaindutako beiztoan edo lazoan Lehen Hezkuntako ikasleek egindako lanketatik ateratako mezuak itsatsi genituen.